Klubi turk, MKE Ankaragucu, i ka siguruar shërbimet e futbollistit të Kosovës, Idriz Voca – njofton CNN Turk.
Futbollisti defensiv ka arritur në Ankara, ku fillimisht do t’u nënshtrohet ekzaminimeve mjekësore, para se ta nënshkruajë kontratën.
Lajmin e ka konfirmuar presidenti i klubit nga Superliga turke, Fatih Mert, në një postim në rrjetet sociale.
Ai i ka njoftuar tifozët e klubit se pas testeve të zakonshme mjekësore, lojtari shqiptar do t’i bashkohet ekipit të Ankaragucu.
23-vjeçari, i cili largohet nga FC Luzerni, pritet që gjatë kësaj jave ta mbyllë kontratën dhe të zyrtarizohet si lojtari ri i klubit turk.
