Superliga e Kosovës në futboll do të vazhdojë edhe në fundjavë, ku orari në këtë fillim po del të jetë tejet i ngjeshur.
Gjithçka në javën e tretë do të nis me ndeshjen Besa – Arbëria, që do të jetë ndeshja hapëse e kësaj jave, takim ky që do të zhvillohet të premten nga ora 16:00 në Brestovik të Pejës.
Dita e shtune do të vazhdojë me derbin drenicas në mes të Feronikeli dhe Drenicës, ndërsa në po të njëjtën ditë zhvillohet edhe takimi, Trepça 89 – Llapi.
Të dielën na presin dy derbit e xhiros.
Kryendeshja do të zhvillohet në “Fadil Vokrri”, aty ku Prishtina do të jetë nikoqir i kampionit aktual, Drita.
Mysafirët nga Gjilani për këtë duel kanë kërkuar shtyrje për 24 orë, por që nuk do të ndodh, pasi java e katërt zhvillohet në mesjavë.
Dueli i fundit është ai në mes të Gjilanit dhe Ballkanit dy skuadra që do të luftojnë për titull këtë edicion.
Orari i javës së tretë
E premte
16:00 Besa – Arbëria
E shtunë
16:00 Feronikeli – Drenica
16:00 Trepça ’89 – Llapi
13:30 Prishtina – Drita
16:00 Gjilani – Ballkani
