Orari i kryendeshjes së xhiros së tretë në Superligën e Kosovës në futboll në mes Gjilanit dhe Ballkani ka ndryshuar.
Federata e Futbollit të Kosovës ka ndryshuar terminin e ndeshjes që do të luhet të dielën prej orës 13:30.
Lajmi është konfirmuar nga klubi i Ballkanit. “Tifoz të dashur të klubit tonë, të dielën luhet ndeshja Gjilani – Ballkanin nga ora 13:30 dhe transmetohet në Klan Kosova”, njofton faqja e Ballkanit.
Ndeshja zhvillohet pa praninë e shikuesve në stadium, për shkak të gjendjes aktuale me pandeminë COVID-19.
Kjo ndeshje si fillim ishte paraparë që të zhvillohet të dielën në ora 16:00, teksa nga ora 13:00 ishte në program sfida Prishtina – Drita e cila është shtyrë për shkak të angazhimit të Dritës në Ligën e Evropës..