Valon Berisha dhe Arbër Zeneli do të kenë punë mjaft të vështirë sonte.
Dy yjet e Kosovës që aktivizohen te Reims do të përballen sonte me kampionin e Francës, Paris Saint-Germain.
Kjo ndeshje është e vlefshme për javën e pestë të kampionatit elitar francez, Liga 1.
Ndeshja në fjalë do të nis nga ora 21:00, derisa si Berisha ashtu edhe Zeneli priten të luajnë nga fillimi.
Sonte PSG-së do t’i mungojnë Neymar, Di Maria dhe Kurzawa pasi ata janë të pezulluar për disa ndeshje nga Liga 1 pas incidentit në ndeshjen kundër Marseillet.
