Futbollisti shqiptar Adnan Januzaj, ka hapur llogarinë e golave për edicionin 2020/2021 në La Ligën spanjolle.
Sulmuesi anësori ka shënuar gol në minutën e 77-të nga pika e bardhë duke dyfishuar epërsinë e Real Sociedad ndaj Elches.
Ishte pikërisht Januzaj ai që e fitoi këtë penallti, pasi u pengua në zonën kundërshtare pas një depërtimi të bukur nga e djathta.
Më pas ai me një goditje precize realizoi për 2-0.
Skuadra e tij shënoi edhe një gol deri në fund dhe fitoi ndeshjen 3-0.
Real Sociedad pas dy javësh ka katër pikë.