Skuadra e futbollit Ballkani nga Theranda kthehet me një pikë të madhe nga Gjilani! Therandasit ndahen baras (0:0) me Gjilanin, në takimin e javës së tretë të elitës së futbollit të Kosovës.
Ndeshja mjaft e mirë dhe me disa raste shënimi, qoftë të njërës palë dhe skuadrës tjetër.
Në minutën e 17-të, Baftiu dështon nga një pozitë e mirë, me fat Gjilani. Në minutën e 38-të, Korenica godet fortë por Koliçi devijon topin në korner.
Në minutën e 50-të, portieri Koliçi tregon klasin e tij, shpëton Gjilanin! Korenica në pozitë ideale por portieri Koliçi pret me këmbë. Pas pesë minutave Progni rrezikon por portieri i Ballkanit, Haxhihamza intervenon bukur. Në minutën e 71-të, Kelmendi pati mundësi të shënojë por gjuan jashtë portës së Ballkanit. Në minutën e fundit, Sinani godet me kokë por topi mbi portën e vendasve.
Ballkani zë vendin e dytë me 7 pikë sa ka edhe lideri i ri Arbëria nga Dobraja e Madhe dhe Gjilani është në pozitën e gjashtë me 4 pikë.