Pas një pushimi 6-mujor dhe pas një sezoni (2019-2020) të mbyllur pa kampion këtë javë rikthehet në fushë Euroleague, eventi më i rëndësishëm në Europë i basketbollit për skuadra. Nga data 1 tetor do të nisë sezoni 2020-2021, me pjesëmarrjen e 18 skuadrave, të njëjtat e sezonit të kaluar.
Ndeshjet do të luhen me sistem vajtje-ardhje. Pra, në total, skuadrat do të zhvillojnë 34 ndeshje në sezonin e rregullt dhe 8 më të mirat do të shkojnë në çerekfinalet e play off-it. Eventi do të zhvillohet me tifozë, por numri i tyre do të jetë i reduktuar, në bazë të kapacitetit të stadiumit ku do të luhen ndeshjet.
Natyrisht që ndeshjet do të zhvillohen duke zbatuar protokollet e sigurisë të miratuar nga Euroleague. Java e parë nis menjëherë me një përballje “big”, siç është ajo mes Barcelona dhe CSKA Moskë.
Euroleague – Java e parë
1 tetor, Anadolu Efes – Zenit st Petërburg, ora 19:30
1 tetor, Olympiacos – Zalgiris Kaunas, ora 20:00
1 tetor, Maccabi Tel Aviv – Alba Berlin, ora 20:05
1 tetor, Barcelona – CSKA Moskë, ora 21:00
1 tetor, Valencia Basket – Villeurbanne, ora 21:00
2 tetor, Khimki Moskë – Panathinaikos, ora 19:00
2 tetor, Fenerbahce – Crvena Zvezda, ora 19:45
2 tetor, Bayern Mynih – Armani Milano, ora 20:30
2 tetor, Baskonia Gasteiz – Real Madrid, ora 21:00.