Stadiumi “Agron Rama” në Obiliq është arena e përballjes së parë të xhiros së katërt në Superligën e Kosovës në futboll, ndërmjet Arbërisë dhe Feronikelit.
Lideri i kampionatit në këtë fillimsezoni ka befasuar me dy fitore dhe një barazim në tri ndeshjet e para, ashtu që udhëheq së bashku me Ballkanin që ka shifra identike.
Feronikeli ka arritur një fitore, një barazim dhe një humbje, ashtu që ka arkëtuar katër pikë në tri xhirot e para.
Trajnerët Arbnor Morina dhe Afrim Tovërlani i kanë përgatitur skuadrat e tyre për këtë takim.
