Parashihej një transferim i lehtë për Milot Rashicën gjatë kësaj merkato, megjithëse gjërat tashmë janë komplikuar, kur kanë mbetur edhe pesë ditë deri në mbylljen e afatit kalimtar.
Fillimisht u tha se RB Leipzig ishte shumë afër blerjes së tij, por skuadra gjermane hoqi dorë për shkak të kushteve të larta dhe zgjodhi Alexander Sorloth nga Trabzonspor.
Aston Villa mbeti e vetme në garë për 24-vjeçarin. Skuadra angleze pas disa ditësh kontakt me Werder Bremen, ia doli të dakordohej që tarifa e transferimit të paguhej rreth 22.5 milionë euro.
Sipas ‘birminghamlive’, i vetmi problem që ky transferim nuk është zyrtarizuar është te paga e lojtarit.
Rashica ka kërkuar dyfishimin e pagës nga dy në katër milionë euro, gjë që Aston Villa nuk ka pranuar ta bëjë deri më tani.
Kur kanë mbetur edhe pak ditë deri në mbylljen e afatit kalimtar, largimi i vushtrriasit nga Bundesliga po bëhet çdo herë e më shumë i pamundur.