Napoli ka njoftuar se presidenti Aurelio De Laurentiis i është nënshtruar testit për virusin Covid-19 dhe rezultati është negativ kështu që ai mund t’i rikthehet punës.
De Laurentiis kishte rezultuar pozitiv me coronvirus pas takimit me drehtuesit e Lega Serie-A dhe ishte karantinuar që nga data 10 shtator.
Por tani, përmes një njoftimi në faqen e tyre, Napoli ka konfirmuar se ai është rikuperuar dhe mund të rikthehet në zyrë.
“Aurelio De Laurentiis është shëruar plotësisht dhe ne jemi të lumtur që ai tani është plotësisht funksional.”, thuhet në njoftimin e klubit.
