Real Madrid ka shënuar një fitore minimale (1:0) por shumë të rëndësishme përballë Valladolid në ‘Alfredo di Stéfano Stadium’, në kuadër të xhiros së katërt të La Ligas.
Edhe pse ishin favoritë në letër, Real Madrid ka vuajtur jo pak për të marrë këto tre pikë përballë Valladolid, shkruan lajmi.net.
U desh të pritej minuta e 65’ që Real Madrid të shënonte golin e epërsisë në këtë ndeshje.
Ishte i ardhuri nga bankina, Vinicius Junior që realizoi për ‘Los Blancos’, që në fund doli të ishte goli i vetëm në këtë ndeshje.
Real Madrid deri më tani në La Liga ka zhvilluar tri ndeshje, duke grumbulluar shtatë pikë.
