Lojtari më i ri i Manchester United, veterani Edinson Cavani pritet të mungojë në ndeshjen me Newcastle për shkak të karantinimit të cilin e kërkojnë autoritetet nga Britania e Madhe, përcjell “KosovaPress”.
Numri shtatë i “Djajve të Kuq” pritet që debutimin e tij ta bëj pikërisht ndaj ish-skuadrës Paris Saint-Germain ku ndeshja luhet në kuadër të Ligës së Kampionëve me datën 20 tetor.
Edhe pse pritet nga tifozët e United që Cavani ta bëjë debutimin e tij kundër PSG, 33 vjeçari mund të mos paraqitet shkaku i fitnesit të tij për arsye se nuk do mund të stërvitet me bashkëlojtarët e rinj pasi që duhet ta përfundoj vet-izolimin siç kërkojnë autoritetet Britaneze.