Bruno Fernandes më në fund ka humbur një penallti pas një rekord të pabesueshëm të konvertimit nga pika e bardhë.
Reprezentuesi portugez kishte shënuar dhjetë penallti radhazi duke përdorur një mori teknikash të ndryshme që nga bashkimi me Manchester United në janar.
Por, sot (e shtunë) ndodhi diçka ndryshe nga e përhershmja.
Portugezi ishte i pasaktë në goditjen e njëmbëdhjetë nga penalltia.
Ishte portieri i Newcastle United, Karl Darlow, i cili priti penalltinë e Fernandesit në minutën e 58-të të ndeshjes.
Penalltia e fundit e humbur nga portugezi ishte në tetor të vitit 2018 dhe portieri i fundit që e ndali ishte ish-portieri i Sportingut, Miguel Soares, gjatë një ndeshje në kupë ndaj Loures.
Dështimi i tij i fundit në një ndeshje në kampionat ishte plot 1659 ditë më parë për Udinesen kundër Napolin në Serie A dhe ai vazhdoi të shënonte një total prej 18 penalltish radhazi.