Vedat Muriqi ka debutuar në humbjen e thellë të Lazios nga Sampdoria, 3:0, duke mos arritur të bëjë asgjë pas inkuadrimit në pjesën e dytë.
Prizrenasi zbriti në fushë në minutën e 59’ të takimit, por nuk mundi të lë gjurmë.
Rezultati i ndeshjes u zhbllokua në minutën e 32’, kur Fabio Quagliarella dërgoi topin në rrjetë.
Augello u përkujdes për dyfishimin e epërsisë në minutën e 41’, kurse rezultati final u vendos nga Damsgaard në minutën e 74’.
Kështu, Vedat Muriqi e nis me humbje aventurën e tij te skuadra romake.
Sampdoria ngritët në gjashtë pikë me këtë fitore, kurse Lazio mbetet në kuotën e katër pikëve.
Mediumi “SportPress24” e ka notuar paraqitjen e Muriqit me 6.5.
“Të gjithë pritën të luajë startues. Ai bëri një asistim shumë të mirë në minutën e 70 për Correan, i cili gjuajti jashtë. Luftoi shumë, por ishte tepër vonë”, thuhet mes tjerash për paraqitjen e Muriqit.
