Aguero ngacmoi gjyqtaren, Guardiola i del në mbrojtje lojtarit

Futboll

Aguero ngacmoi gjyqtaren, Guardiola i del në mbrojtje lojtarit

Më: 18 tetor 2020 Në ora: 08:48
Sergio Aguero

Sergio Aguero ka vënë veten e tij në qendër të vëmendjes me gjestet e bëra dje në ndeshjen Manchester City – Arsenal.

Ylli argjentinas, Sergio Aguero ka regjistruar mbrëmë rikthimin e tij në fushën e blertë, pas një dëmtimi që e mbajti gjatë jashtë fushave.

Aguero pati një paraqitje solide, por vëmendja për të shkoi në një dimension tjetër, pasi lojtari pati një qasje interesante me gjyqtaren anësore.

Lojtari pati disa fjalë për anësoren, por ato fjalë u përcollën me një prekje të çuditshme, duke bërë që sekuenca të shkojë virale në rrjetet sociale.

Gjithsesi, lidhur me këtë, disa fjalë ka thënë Pep Guardiola, i cili i doli në mbrojtje lojtarit të tij, duke insistuar se nuk kishte asnjë qëllim të keq.

“Oh, hajde djema. Sergio është personi më i mirë që kam parë në jetën time. Shikoni për probleme në situata tjera, jo në këtë”, ka thënë Pep.

Manchester City mori mbrëmë një fitore minimale ndaj ‘Gunners’, falë golit të Raheem Sterling dhe pritjeve të Ederson.

commentFirst article
Sot mund të lexoni Shfletoni kopertinat