Wanda Nara e ka shpërndarë një mesazh kontrovers në rrjetet sociale pas humbjes së Interit në derbi, duke i uruar miqtë e vet në skuadrën e Milanit.
Dy gola nga Zlatan Ibrahimovic ia siguruan Milanit fitoren e parë në derbi kundër Interit në Serie A që prej vitit 2016, me golin e Romelu Lukakut që nuk ishte asgjë më shumë se ngushëllues.
Wanda, bashkëshortja dhe menaxherja e ish-kapitenit të Interit, Mauro Icardi, e postoi një fotografi në të cilën argjentinasi e përqafon atë pas një goli në fanellën zikaltër, por përmbajtja e mesazhit nuk ishte aspak e mirë për Interin dhe tifozët e tij.
“Pa dashuri nuk ka derbi”, shkroi ajo.
“Urime miqve të mi në Milan”, shtoi ajo.
Tifozët e Interit dhe Icardi e kanë pasur një lidhje dashurie dhe urrejtjeje ndër vite.
Icardi iu bashkua PSG-së në verë, pas një viti huazimi në Paris, pasi Interi nuk e deshi më në klub.