Masimiliano Alegri vijon të mbaj nën presion stolin e Simone Inzagi.
Pas çdo rezultati negativ emri i ish trajnerit të Juves lakohet nga mediat italiane si pasuesi i Inzagit te Lacio.
Kështu ndodh edhe këtë herë pas humbjes së rëndë 3-0 që kryeqytetasit pësuan kundër Sampdorias.
Sipas “Il Messaggero”, e ardhmja e Inzagit do të përcaktohet në ndeshjet e ardhshme, nëse situata nuk ndryshon, Alegri pritet të marrë drejtimin e Lacio.
Dyshimet shtohen edhe më shumë pasi palët, Lacio dhe Inzagi ende nuk kanë gjetur një akord për rinovimin e kontratës, një temë e diskutuar prej kohësh.
