Ish-drejtori i Milanit, Adriano Galliani, i ka lëvduar Rossonerët për futbollin që po e bëjnë në muajt e fundit.
Kuqezinjtë kryesojnë në tabelën e Serie A pas katër xhirove të para, në të cilat kanë arkëtuar 12 pikë nga katër fitore.
“Milani ka qenë në krye të tabelës së Serie A në 16 xhirot e fundit, nuk mbaj mend ta kem lexuar këtë në ndonjë gazetë”.
“Pas izolimit, mbetën edhe 12 ndeshje dhe Milanit e përfundoi atë xhiro të ndeshjeve në krye të tabelës. Tash e kanë fituar secilin takim në Itali dhe në Evropë”.
“Nuk e di se çfarë do të ndodhë në të ardhmen. Vetëm po theksoj se Milani është lider i Serie A në 16 xhirot e fundit dhe mu duk e çuditshme që askush nuk e komenton këtë”.
“Dhjetë vite më parë e fituam derbin e fundit si mysafir i Interit, ndërsa edhe atëherë e kishim Ibran. Fituam 1-0 dhe më kujtohet një penallti e shkaktuar nga (Marco) Materazzi”.
“Ishte identik më atë që e shkaktoi (Aleksandar) Kolarov. (Zlatan) Ibrahimovic është i jashtëzakonshëm”, ka deklaruar Galliani për Radio 2.
