Skuadra e Prishtinës ka njoftuar se Sabien Lilaj do të mungojë për dy javë.
Lilaj u dëmtua në ndeshjen e fundjavës ndaj Besës, që skuadra e Prishtinës e fitoi me rezultatin e thellë 4-0.
Pas ekzaminimeve të lojtarit, FC Prishtina ka njoftuar që lojtari do të mungojë për dy javë, me ç’rast do të mungojë ndaj Feronikelit, Gjilanit e ndoshta edhe Ballkanit.
Ja njoftimi i klubit:
“Sabien Lilaj mungon dy javë
Mesfushori ka zgjatur muskulin
Prishtinë, 19 tetor 2020 – Prishtina të shtunën ka mposhtur Besën 4:0, ndeshje kjo në të cilën mesfushori, Sabien Lilaj ka pësuar lëndim në minutën e 37-të me çka u zëvendësua me Qendrim Zybën.
Pas kontrollit të detajuar mjekësor në spitalin “Royal Medical” nga ortopedi specialist, Qerim Kida, është konstatuar zgjatja e muskulit, duke bërë që mesfushori ynë të jetë jashtë fushës për dy javët e ardhshme.
Shpresojmë dhe urojmë futbollistin tonë në shërim sa më të shpejtë”, shkruan klubi.
