Ballkani nga Theranda nuk ndalet, në shtatë ndeshje ka 6 fitore e 1 barazim, pa humbje në elitën e futbollit të Kosovës.
Skuadra nga Theranda si vendas ka shënuar fitore me rezultat 2:0 kundër kampionit në fuqi, Dritës nga Gjilani, në kuadër të javës së shtatë.
Daku është trim i ndeshjes, me golat e tij e gjunjëzuan Dritën.
Ai realizoi në minutën e 20-të dhe të 75-tën, duke i siguruar edhe një trepikësh të artë skuadrës së tij. Në minutën e 21-të, kryetrajneri i Ballkanit, Ismet Munishi u ndëshkua me karton të kuq, ndërsa në atë të 23-tën, Ilir Blakçori i Dritës përjashtohet nga loja, duke e lënë skuadrën e tij në fushë pa një lojtar apo plot 67 minuta.
Ballkani arkëtoi tre pikë të mëdha, ndërsa Drita pësoi humbjen e parë. Ballkani kryeson me 19 pikë, duke lënë pas Prishtinën 11, Arbërinë me 11 sosh etj.
Daku për 7 shtatë ndeshje ka realizuar 14 gola apo mesatarja nga dy për secilën ndeshje.
Superliga e Kosovës
Drenica-Arbëria 0:1
Ballkani-Drita 2:0
Besa-Llapi 2:2
Feronikeli-Prishtina 1:2
Gjilani - Trepça '89 0:0
Tabela
1. Ballkani 7 6 1 0 21:6 19
2. Prishtina 6 3 2 1 10:3 11
3. Arbëria 7 3 2 2 10:8 11
4. Drita 5 3 1 1 6:4 10
5. Gjilani 7 2 4 1 4:5 10
6. Trepça ’89 7 2 2 3 3:5 8
7. Drenica 7 2 2 3 5:12 8
8. Feronikeli 7 1 3 3 10:9 6
9. Besa 7 1 1 5 7:19 4
10. Llapi 6 0 2 4 3:8 2