Mikel Arteta befasoi të gjithë kur vendosi të lë jashtë listës për ndeshjet e Premierligës një nga lojtarët më të paguar në skuadër, Mesut Ozil.
Duke folur për media para ndeshjes kundër Rpid Vienna, trajneri i Arsenalit ka komentuar deklaratën e turko-gjermanit dhe ka thënë se vendimi ishte plotësisht sportiv dhe nuk kishte ndonjë problem personal.
Për deklaratën e Mesut Ozil
“Të gjithë janë të lirë të shprehin ndjenjat e tyre. Çfarë mund të them nga ana ime? Është thjesht një vendim futbolli, për të cilin ndërgjegjja ime është shumë e qetë, sepse isha shumë i drejtë me të. Niveli im i komunikimit me të ka qenë vërtet i lartë, ne dimë çfarë të presim nga njëri-tjetri. Kur besoj se ai mund të kontribuojë që ekipi të jetë më i mirë, kjo është arsyeja pse unë u punësova në këtë klub futbolli – të bëhesha menaxher, të fitoja ndeshje futbolli, gara dhe të krijoja dhe ndërtoja një projekt . Ai ka pasur mundësi si të gjithë të tjerët. Jam i trishtuar që u detyrova të lë tre lojtarë jashtë kësaj liste, e cila nuk është kurrë e këndshme, por thjesht duhet të them se u përpoqa t’i shikoj të gjithë në sy dhe të jem mirë me të. Me Mesutin, e kisha këtë ndjenjë sepse kam qenë shumë i drejtpërdrejtë që kur arrita në këtë klub“.
A do të largohet Ozil para përfundimit të kontratës së tij?
“Jo [kjo nuk është faza në të cilën jemi]. Padyshim që një lojtar i këtij dimensioni, me karrierën që ka pasur në nivel ndërkombëtar dhe gjithçka, gjithçka që ndodh rreth tij ka një ndikim të madh. Ka qenë rasti për tetë vitet e fundit. Nuk është asgjë e re, nuk është asgjë që po ndodh tani, shumë gjëra kanë ndodhur gjatë këtyre tetë viteve. Detyra ime është të marr më të mirën nga çdo lojtar, të kontribuoj për ekipin dhe performancën. Këtu, ndiej që për momentin, sot, që kam dështuar sepse dua Mesutin më të mirë të mundshëm për ekipin. Në disa momente unë isha në gjendje t’i afrohesha kësaj, por në momente të tjera nuk kam qenë në gjendje sepse duhej të merrja vendimin për ta lënë atë jashtë skuadrës. Ky është realiteti në futboll, që gjithçka mund të ndodhë dhe këtë e kam mësuar me kalimin e viteve. Ky është realiteti dhe ne duhet ta përballojmë atë. Mënyra më e mirë për ta përballuar është të flasësh gjëra ballë për ballë dhe ta bësh në mënyrën e duhur. Kjo është mënyra se si jam dhe kjo është mënyra se si do të vazhdoj ta bëj“.
A e ka luajtur Ozil ndeshjen e fundit me Arsenalin?
“Sinqerisht, unë marr përgjegjësinë e plotë. Unë duhet të jem ai që nxjerr më të mirën nga lojtarët. Është përgjegjësia ime dhe përsëri, nuk është asgjë e lidhur me asgjë, ndonjë sjellje apo gjëra të tilla si unë lexoj, si shkurtimet e pagave. Nuk është e vërtetë, është vendimi im. Nëse dikush duhet të më fajësojë mua, dhe kjo do të ndodhë kur të humbasim ndeshjet e futbollit, është përgjegjësia ime. Unë duhet të marr vendimin për të marrë skuadrën më të mirë të mundshme atje për të fituar ndeshje futbolli dhe gara sa më shpesh që të mundemi. Për ta bërë këtë, unë përpiqem të jem i drejtë me të dhe me çdo lojtar tjetër në skuadër për të mbrojtur, sa më shumë që të jetë e mundur, interesat e klubit të futbollit“.
Arsenali e bleu Ozilin nga Real Madrid për 47 milionë euro. 32 vjeçari ka një kontratë me londinezët deri në qershorin e ardhshëm.
