Mabtex Prishtina është kampione e Kosovës në futsall, dhe si e tillë ka siguruar edhe pjesëmarrjen në Ligën e Kampionëve të këtij sporti.
Këtë sezon nuk do të ketë grupe, dhe ky rregull i ri mund t’i shkojë përshtati kryeqytetasve të cilët në vend se të ndeshen me tre skuadra të tjera, do të duhen të fitojnë vetëm një takim për tu kualifikuar tutje.
Shorti i raundit të parë do të mbahet me datën 27 Tetor, e këtu kundërshtarë eventual të Prishtinës mund të jenë plotë 45 skuadra të tjera.
Kundërshtari më i fortë i mundshëm për prishtinasit mund të jenë italianët e Pesaros, ndërsa shorti mund të rezervoj edhe takime vëllazërore me Shkupin ose Tiranën.
Për tu shpallur kampion, Prishtina mposhti Liburnin në finalen e playoff.
