Kapiteni i Real Madridit, Sergio Ramos, është rikuperuar nga lëndimi dhe është i gatshëm të luajë në "El Clasicon" e parë të edicionit ndaj Barcelonës këtë fundjavë.
Ramos kishte pësuar një lëndim në ndeshjen ndaj Cadizit në fundjavën e kaluar, derisa mungoi në ndeshjen e mesjavës ndaj Shakhtar Donetskut në Ligën e Kampionëve.
Trajneri Zinedine Zidane ka konfirmuar se Ramos është i gatshëm të luajë kundër Barcelonës.
"Sergio është rikuperuar dhe do të jetë me ne. Ai është lideri ynë. Nuk do të rrezikojmë, ai është 100 për qind i gatshëm", deklaroi trajneri francez.
"MARCA" kishte raportuar dje (e enjte) se Ramos nuk do të jetë i gatshëm as për këtë ndeshje.
Megjithatë, sipas Zidanes, futbollisti spanjoll do të luajë në "El Clasico".
