Nuk ka asnjë lajm për rinovimin e Paulo Dybalas. Negociatat me Juventusin janë ende të bllokuara dhe “tymi i bardhë” vazhdon të shtyhet, pavarësisht se agjenti i argjentinasit ka qenë në Torino prej një muaji tani.
Ndërkohë, nga Spanja vijnë lajme aspak të mira për kampionët e Italisë: Chelsea ka gati megaofertën për “10” bardhezi.
Situata mbetet pezull, pasi sulmuesi argjentinas ende nuk ka arritur një marrëveshje me “Zonjën e Vjetër” për rinovimin e kontratës aktuale, që i skadon më 2022.
Mediat iberike zbulojnë se Chelsea do të donte ta merrte atë në Londër me çfarëdolloj çmimi. “Todochajes.com” raporton se skuadra e Lampard po përgatit një ofertë midis 80 dhe 100 milionë eurove për ta bindur Juventusin dhe një pagë mbi 10 milionë euro në vit për vetë “Joya”.