Skuadra e Llapit nga Podujeva shijon fitoren e parë në edicionin e ri në elitën e futbollit të Kosovës.
Llapjanët si vendas shënuan fitore me rezultat 2:0 kundër debutuesit Arbëria nga Dobraja e Madhe, në kuadër të javës së tetë.
Në minutën e 11-të, Zhdrella ka qenë i saktë nga penalltia duke shënuar për 1:0, ndërsa në pjesën e dytë pikërisht në minutën e 48-të, Ahmed Januzi thellon fitoren në 2:0.
Në minutën e 75-të, mysafirët dështuan nga penalltia, portieri Hoffman e ndali goditjen. Llapi është në vend të nëntë me 5 pikë dhe Arbëria zë pozitën e 4-të me 11 sosh.
