Ish futbollisti i Cërvena Zvezdës nga Beogradi, Dragan Xhajiç, ka folur për turpin e tij pikërisht në vitin 2008 kur shteti i Serbisë e kishte arrestuar për keqpërdorim të detyrës zyrtare!
Ai ishte arrestuar kur ishte si nënkryetar i Federatës së Futbollit të Serbisë dhe drejtor i të gjitha kombëtareve.
“Xhajiç komentoi një nga momentet më të vështira në jetën e tij për të cilën ai nuk ka folur deri më tani - arrestimin në vitin 2008.
Xhajiç ishte arrestuar së bashku me Vladimir Cvetkoviq dhe Milosh Marinkoviq nën dyshimin e përvetësimit të pesë milion eurove”, shkruan “Kurir”.
"Nëse do të mundja do ta shmangja atë histori. Nuk do ta kujtoja. Ishte vërtet e vështirë për mua. Ata më prishën shumë karrierën time, më fyen shumë si njeri dhe sportist.
Unë nuk e meritoja atë. Është një turp për disa njerëz që e bënë atë me vetëdije dhe unë e di kush janë", ka thënë mes të tjera Xhajiç.