Jahmir Hyka ka gjetur golin e parë në Kinë, me skuadrën e Guizhu Hengfeng, ku u transferua në merkaton e verës.
Ish-futbollisti i Kombëtares, shënoi golin e dytë në minutën e 40-të në fitoren 3:0 të skuadrës së tij në transfertë ndaj Shenjang Urban.
Hyka lëvizi bukur në krahun e majtë dhe pas një pasimi perfekt të marrë, nuk e ka të vështirë ta dërgojë topin në rrjetë dhe të shënojë golin e tij të parë në Kinë.
Kujtojmë se Guizhu Hengfeng militon në divizionin e dytë në Kinë dhe futbollisti shqiptar aty po kalon një formë shumë të mirë, teksa përveç golit, pak ditë më parë dha edhe asistim.