Futbollisti Ilir Camaj - trim i ndeshjes, skuadra shqiptare Deçiq nga Tuzi nuk njeh humbje në Mal të Zi! Deçiq kthehet me një pikë të madhe dhe me shije të fitores nga Podgorica, duke luajtur baras (2:2) me skuadrën e njohur Buduçnosti, në takimin e javës së dhjetë.
Dhjetë ndeshje dhe asnjë humbje nuk e ka Deçiqi, por ka 4 fitore e 6 barazime, me goldallim 16:6, duke thyer rekord në elitën e futbollit malazez.
Buduçnosti avancoi me rezultat 2:0 falë golave të Cukoviqit (11’) dhe Bojoviqit (14′). Në vazhdim të takimit, Ilir Camaj del në skenë si stuhi, i cili me dy golat e tij trondit skuadrën vendase.
Ilir Camaj
Camaj ka shënuar në minutën e 26-të dhe të 69-tën. Golin e parë nga rreth 20 metra duke tronditur portierin Dragojeviq, kur ngushtoi rezultatin në 2:1.
Camaj deri me tash ka realizuar 6 gola dhe renditet i dyti në listën e shënuesve, dy me pak se Saleta Kordiç i Podgoricës.
Duhet theksuar se Deçiq ka qenë me fat në minutën e 33-të, Milosh Raiçkoviq nga distanca godet fortë, por traversa shpëton Velimiroviqin.
Pas javës së dhjetë, Buduçnosti kryeson me 19 pikë, pasojnë Deçiq dhe Podgorica me 18, Sutjeska 16 pikë etj. Presidenti i klubit Deçiq, Pal Dreshaj, është i lumtur më këtë gjeneratë që ka, luftëtarë të mëdhenj në fushë dhe falë lojërave cilësore, po arrijnë rezultate fantastike.
Buduçnosti – Deçiq 2:2
Stadiumi në Podgoricë.
Shënues: Cukoviç (11'), Bojoviq (14') - Camaj (26' e 69')
Kartona të verdhë: Miliq - Ad. Rudoviq, Tuci.
Buduçnosti: Dragojeviq, Axhiq, Bojoviq, Cukoviç, Grbiq (Tarubica 25’), Miliq, Mirkoviq, Miraitis (Mijoviq 78’), Raiçkoviq, Terziq (Vujaçiq 71’) dhe Vuçiq.
Deçiq: Velimiroviq, Bozanoviq, Camaj (Roloviq 88’)), Dreshaj, Lulgjuraj, Markoviq (Ujkaj 85’), Pesukiq (Prenkoçeviq 90+1’), Ad. Rudoviq, An Rudoviq (Axhoviq 90+1’), Tuci dhe Vulaj.
Kampionati i Malit të Zi
Buduçnosti-Deçiq 2:2
OFK Petrovac-Sutjeska 1:1
Rudari-Jezero 0:1
Titogradi-Podgorica 1:0
Iskra-Zeta 0:0
Tabela
1. Buduçnosti 9 6 1 2 14:10 19
2. Deçiq 10 4 6 0 16:6 18
3. Podgorica 10 5 3 2 13:7 18
4. Sutjeska 10 4 4 2 15:10 16
5. Jezero 10 4 2 4 6:8 14
6. Iskra 10 3 4 3 8:11 13
7. Zeta 10 3 3 4 7:10 12
8. Rudari 10 3 0 7 11:15 9
9. Titogradi 10 2 3 5 7:15 9
10. OFK Petrovaci 9 0 4 5 7:12 4