Futbollisti i Kosovës dhe Stade de Reims, Valon Berisha, është përzgjedhur si njëri prej lojtarëve më të mirë të javës së tetë të kampionatit francez.
Media e njohur franceze dhe evropiane, “L’Equipe”, e ka përfshirë mesfushorin 27-vjeçar në “Formacionin më të mirë të javës së tetë të Ligës 1”.
Berisha vlerësohet me notën 7 për paraqitjen e mirë ndaj Montpellier ditën e djeshme kur Stade-de-Reims triumfoi 0-4.
Megjithëse nuk shënoi apo asistoi në këtë takim, Berisha udhëhoqi organizimin e lojës së ekipit të tij duke qenë aktiv gjatë gjithë ndeshjes.
Në formacionin më të mirë të kësaj jave në Francë janë përzgjedhur dhe ylli i PSG-së, Neymar, dhe sulmuesi i Lyon, Memphis Depay.
