Trajneri i Dritës, Ardian Nuhiu, u pa tejet i lumtur pas triumfit ndaj Arbërisë në udhëtim.
Në prononcimin pas ndeshjes për “Art Sport”, Nuhiu tha ky trepikësh është shumë i rëndësishëm për vazhdimin e kampionatit.
Tekniku tutje shtoi se kampionati sa vjen e po bëhet më interesant, pasi sipas tij shumë të forta janë edhe skuadrat e pjesës së poshtme të tabelës.
“Një trepikësh shumë i rëndësishëm për vazhdimësinë e kampionatit, Arbëria një “kockë e fortë”, por kur futbollistët angazhohen në këtë mënyrë, çdo gjë lehtësohet.
Më vjen keq që nuk e përfunduam ndeshjen më herët duke shënuar golin e dytë. Po shohim një kampionat të fortë, duhet të luftojmë edhe me ekipet e pjesës së poshtme të tabelës”, tha mes tjerash Nuhiu.