Zidane: Nëse vazhdojmë të luajmë kështu, do të kualifikohemi

Futboll

Zidane: Nëse vazhdojmë të luajmë kështu, do të kualifikohemi

Më: 28 tetor 2020 Në ora: 09:20
Zinedin Zidane

Trajneri i Real Madridit, Zinedine Zidane, beson se skuadra e tij do t’ia dalë ta kalojë fazën grupore në Ligën e Kampionëve, pas barazimit 2:2 me Borussia Monchengladbach të martën në Gjermani.

Reali po humbiste me dy gola epërsi deri në minutën e 86-të, kur Karim Benzema dhe Casemiro shënuan në një hapësirë prej gjashtë minutave për t’i ndihmuar skuadrës së vet ta shmangë humbjen e dytë radhazi në Grupin B.

Gjiganti spanjoll e ka një pikë nga dy ndeshje dhe renditet e fundit në grup, por Zidane nuk dyshon në aftësitë e djemve të vet për ta arritur kualifikimin në fazën e eliminimit direkt.

“Ky rezultat e tregon karakterin e këtij ekipi. Ne e merituam barazimin dhe mendoj se edhe më shumë se kaq. Më pëlqeu reagimi ynë dhe kjo pikë është e rëndësishme”, tha Zidane.

Francezi shtoi: “Nuk ka ndeshje të lehta. Nëse luajmë kështu, atëherë do të bëjmë gjëra të mira dhe do të kalojmë në fazën e eliminimit direkt”.

commentFirst article
Sot mund të lexoni Shfletoni kopertinat