Rrahmani: Malisheva synon Superligën e Kosovës

Futboll

Rrahmani: Malisheva synon Superligën e Kosovës

Nga: Kemajl Goca Më: 29 tetor 2020 Në ora: 17:52
Rrahmani: Malisheva synon Superligën e Kosovës

Malisheva po tregon lojëra të mira në gjashtë javët e para të Ligës së Parë të Kosovës, grupi A. 

Skuadra e Malishevës ka shënuar katër fitore, një barazim dhe dy humbje, të cilët prijnë me 13 pikë në renditjen e klasifikimit, duke lënë pas vetes Onix-in po me aq pikë.  

Në këtë mjedis po bëhet punë e madhe dhe me ambicie që të ngritën për herë të parë në elitën e futbollit të Kosovës. 

Image

FC Malisheva

Qendërsulmuesi i Malishevës, Albion Rrahmani, djali i ish futbollistit të mirënjohur llapjan, Dritoni, tha se atmosfera është shumë e mirë në klub dhe me bindje se do të vazhdojnë me serinë e rezultateve të mira. 

“Bota sot”: Malisheva kryeson në grupin A, cila është arma më e fortë e ekipit?
Albion Rrahmani:
Jemi në vendin e parë, jemi komponuar shumë mirë si ekip dhe mendoj se kjo është arma më e fortë e klubit tonë. Është një atmosferë e jashtëzakonshme në klub duke nisur nga kryesia e deri të lojtarët.

Image

“Bota sot”: Javën që e lamë pas, Malisheva ka shënuar fitore me rezultat 1:0 kundër Vëllaznimit, sa ishte vështirë?
Albion Rrahmani:
Skuadra e Vëllaznimit ishte skuadër me karakter të fortë dhe shumë i vështirë por ne bëmë një punë të shkëlqyer si klub dhe arritëm t’i fitonim 3 pikë, që të kryesojmë në vendin e parë.

“Bota sot”: Në fundjavë ndesheni me Drenasin, a mendoni se edhe një pikë do të ishte rezultat i mirë?
Albion Rrahmani:
Po do të ishte e mirë por ne do të futemi si në çdo lojë për 3 pikë.

“Bota sot”: Cilat janë synimet e Malishevës?
Albion Rrahmani
: Synimet e Malishevës janë që të kryesojmë tabelën dhe të kalojmë në Superligën e Kosovës.

“Bota sot”: Sa jeni i kënaqur me kushtet dhe cilat skuadra i sheh për katër vendet e para?
Albion Rrahmani:
Kushtet janë shumë të mira, për mendimin tim janë katër skuadra, që do të kryesojnë tabelën, është Malisheva, Istogu, Dukagjini dhe Liria.

Shfaq komentet
comments powered by Disqus
Sot mund të lexoni Shfletoni kopertinat