Portieri i Kombëtares së Kosovës në futboll, Samir Ujkani ka përfunduar si “gardiani” i tretë i portës së skuadrës italiane, Torinp.
I pari i portës është i padiskutueshëm, Sirigu, kurse portier i dytë në skuadrën nga Torino është serbi, Milinkoviq-Saviq.
Në ndeshjen e Kupës së Italisë, Torino luajti kundër Lecces, ku “torinezët” vendosën në portë serbin, Saviq.
Portieri i dytë, Savic pritet të jetë nga minuta e parë në takimin e Torinos në fundjavë kundër Lazios.
Me këtë rast, gjasat e portierit kosovar të mbrojë portën e skuadrës së tij këtë sezon janë të pakta.
Për Samir Ujkanin ky është edicioni i dytë që mbron ngjyrat e Torinos, ekip ky që në radhët e saj ka edhe futbollistin tjetër nga Kosova, Mërgim Vojvoda.