Drejtori menaxhues i Rangers, Stewart Robertson e përshkroi si krejtësisht të papranueshme shkeljen e protokollit Covid-19 nga Jordan Jones dhe George Edmundson.
Dyshja e Rangers janë pezulluar nga klubi pasi morën pjesë në një mbledhje private të dielën jashtë shtëpisë së tyre dhe do të duhet të vetë-izolohen për 14 ditë.
“Kryetari Douglas Park, Ross Wilson, Steven Gerrard dhe unë diskutuam për këtë çështje. Ne nuk do të tolerojmë sjellje që nuk ndjek standardet dhe është krejtësisht e papranueshme që ndonjë nga lojtarët tanë të përfshihet në çdo gjë që vë në rrezik protokollet e shkëlqyera që janë vendosur në Rangers”, tha Robertson.
Një deklaratë në faqen zyrtare të Rangers shkruhet: “Rangers janë vënë në dijeni të një incidenti natën e kaluar ku përfshihen dy lojtarë tanë, Jordan Jones dhe George Edmundson. Ne mund të konfirmojmë që të dy lojtarët do të pezullohen në pritje të një hetimi të brendshëm”.