Futbollisti shqiptar Burim Kukeli ka një karrierë të pasur si futbollist, ai kishte rastin të ballafaqohet me yjet si Cristiano Ronaldo, Pepe, Pogba, Griezmann dhe tash ka rastin që përvojën e tij të madhe ta bartë tek të tjerët.
36 vjeçari tashmë përveç lojës aktive ka nisur edhe një aventurë të re në karrierën e tij, ku po e mbështet trajnerin Bruno Berner te Kriens.
Që nga ky sezon, Kukeli ka punuar në rolin e ndihmësit të trajnerit. “Ne biseduam për këtë ide në dhjetorin e vitit të kaluar. Unë isha i mendimit ose të jem vetëm lojtari ose vetëm si ndihmësi, por ja që në fund mora këtë detyrat. Nuk isha i sigurt nëse mund t’ja dal por deri tash gjithçka po shkon mirë”, ka thënë Kukeli për Blick.
Për Kukelin ka qenë prej kohësh e qartë se një ditë do të donte të merrte rrugën e trajnerit. Tek Kriensi ai e gjeti këtë mundësi. Së pari ishte si kapiten dhe tani pas diplimimit me Licenvën A nga UEFA uh hap dera tjetër në karrierën e tij të re si trajner.
“I jam shumë mirënjohës që Bruno më jep këtë mundësi dhe beson në mua. Unë mund të përfitoj aq shumë nga ai, si një sportist, por edhe si një person”, ka thënë Kukeli.
