Real Madridi ka konfirmuar se mesfushori i vet uruguaian Federico Valverde e ka thyer shputën e këmbës.
Valverde luajti 76 minuta në humbjen e Real Madridit kundër Valencias në Mestalla të dielën, para se të zëvendësohej nga Toni Kroos.
Skuadra e Zinedine Zidane e humbi ndeshjen me rezultat të thellë 4:1, me Carlos Soler që shënoi het-trik me penallti dhe Raphael Varane që shënoi autogol.
Madridi njoftoi sot se Valverde pësoi lëndim të rëndë gjatë asaj ndeshjeje në fundjavë, i cili mund ta lërë atë jashtë fushës për një kohë të gjatë, por pa specifikuar sa saktësisht.
“Pas testeve të bëra në lojtarin tonë, Federico Valvderde, nga Shërbimi Mjekësor i Real Madridit, ai është diagnostikuar me një thyerje në ashtin e sipërm të shputës së këmbës së djathtë”, thuhet në njoftimin e gjigantit spanjoll.
“Riaftësimi i tij do të vazhdojë të vlerësohet”, thuhet tutje në njoftim.
