Ylli i Wolves, Raul Jimenez ka zbuluar se gjatë afatit veror dy skuadrat e mëdha evropiane Juventus dhe Manchester United provuan ta transferojnë.
Meksikani është duke vazhduar të shkëlqejë të klubi anglez, derisa ky sezon mund të jetë i fundit në fanellën e Wolves.
Jimenez tha se të dy skuadrat kishin interesim, por nuk arritën marrëveshje me Wolves.
“Një ditë u zgjova dhe Juventusi më kërkoi, tjetra ishte Manchester Unitedi”.
“E di që kishte interesim. Por, marrëveshja asnjëherë nuk u arrit, as nuk ishte afër, jam shumë i lumtur të Wolves”, theksoi ai.
Wolves thuhet se kërkojnë rreth 65 milionë euro për shërbimet e sulmuesit.
