Tronditet Dibra, ndërroi jetë ish-lojtari!
Ndarja e parakohshme nga jeta e legjendës së futbollit dibran, Albert Kaba, është një lajm shokues për të gjithë që e kanë ndjekur e adhuruar shkëlqimin e talentit të tij si sulmues e golashënues i Korabit.
Berti me talentin dhe suksesin e tij frymëzoi shumë fëmijë e shokë për të ecur në shembullin dhe kontributin e tij të veçantë në mbështetje të futbollit tonë.
Duke i shprehur ngushëllimet më të sinqerta familjarëve të Albert Kabës, miqve, dhe mbarë sportdashësve të futbollit, jemi të bindur se personaliteti i tij i jashtëzakonshëm që ai krijoi në fushën e blertë do vazhdojë të frymëzojë gjeneratat më të reja në rrugën e suksesit!!
