Kombëtarja e Kosovës në futboll sonte do ta mbyllë edicionin e Ligës së Kombeve me ndeshjen kundër Moldavisë, në stadiumin “Fadil Vokrri”.
Dardanët ndeshën me Moldavinë dhe vetëm fitore duan, ndryshe e rrezikojnë edhe largimin nga Liga C në Ligën D çka do të ishte një hap i madh mbrapa. Kosova aktualisht është ën pozitën e parafundit me vetëm dy pikë dhe nuk ka asnjë shanse të ngjitet më lartë.
Synimi i saj është mbetja në këtë garë e në të cilën do ta mbante edhe barazimi, por sigurisht që do të ishte një zhgënjim pasi ende nuk ka shënuar fitore sivjet.
Ndeshja Kosova – Moldavia luhet nga ora 20:45.
