Bayern Munih dhe Werder Bremen kanë ndarë pikët në duelin e sotëm në kuadër të javës së tetë në Bundesliga.
Dy skuadrat gjermane kanë ndarë pikët pasi luajtën 1:1 pas 90 minutave lojë në “Allianz Arena”.
Milot Rashica ishte i pranishëm në fushë për Bremenin që nga minuta e parë, por që u zëvendësua në minutën e 90-të.
Ylli i Kosovës pas ndeshjes ka postuar në rrjetin e tij social “Twitter” një fotografi të ndeshjes me një mbishkrim.
“Lojë e ashpër dhe luftë e madhe sot”, ka shkruar futbollisti vushtrrias.
Miloti u vlerësua me notën 6.7 në takimin e sotëm të skuadrës së tij ndaj gjigandit të Gjermanisë.
