Presidenti i Ballkanit, Arsim Kabashi e kaloi koronavirusin pa e ditur askush

Futboll

Presidenti i Ballkanit, Arsim Kabashi e kaloi koronavirusin pa e ditur askush

Më: 23 nëntor 2020 Në ora: 17:59
Arsim Kabashi

Futbolli vazhdon të përballet me probleme të shumta.

Një tjetër problem që ka ardhur nga “qielli” është pandemia COVID-19, e cila e goditur jo pak futbollin tonë.

Rastet kur janë infektuar zyrtarë klubesh, trajnerë, futbollistë e punëtorë sportivë nuk kanë munguar në futbollin tonë.

Gjithsesi, klubet vazhdojnë t’i “mbajnë për vete” rastet pozitive.

Përjashtim ka bërë skuadra e Dritës, e cila në muajt e parë të pandemisë (maj) njoftoi publikisht në faqen zyrtare se njëri nga lojtarët është i prekur, Izair Emini.

Krahas Dritës, edhe Prishtina dhe Gjilani gjatë ndeshjeve ndërkombëtare e kanë njoftuar opinionin rreth infektimeve, por ky “adet” më pas u harrua.

Ka raste kur pas ndonjë telefonate të rastësishme për ndonjë temë rreth sportit më të popullarizuar në botë njerëzit e futbollit lajmërojnë se janë të infektuar me COVID-19, por assesi klubet nuk po gjejnë forcë që ta njoftojnë opinionin edhe zyrtarisht përmes faqeve zyrtare të klubeve.

Një gjë e tillë nuk ndodh në futbollin evropian, derisa klubet raportojnë në kohë reale për infektime.

Rasti i fundit i zbuluar publikisht me COVID-19 vjen nga Ballkani.

I pari i klubit, Arsim Kabashi, është infektuar me koronavirus të cilin e ka kaluar ditë më parë.

Ai ka thënë se nuk e ka zbuluar rastin publikisht për të mos shkaktuar panik në popull.

“Nuk ka qenë shumë e vështirë. Kam pasur simptoma të lehta, si temperaturë dhe plogështi, jo diçka ma shumë. Kemi dashur ta mbajmë në vete, të mos e bëjmë të madhe. Jam mbyllë në shtëpi 14 ditë. Nuk kemi dashur të bëjmë panik në popull”, ka thënë presidenti i Ballkanit, Arsim Kabashi.

commentFirst article
Sot mund të lexoni Shfletoni kopertinat