Si do të luajë Milani pa Ibrahimovicin?

Futboll

Si do të luajë Milani pa Ibrahimovicin?

Më: 23 nëntor 2020 Në ora: 21:24
Hauge

10 gola në tetë ndeshjet e para të Serisë A. Në fakt janë gjashtë, duke marrë parasysh që ndaj Crotones dhe Spezias nuk ishte i pranishëm për shkak të infektimit me koronavirus.

Zlatan Ibrahimovic është një faktor përcaktues në Milanin e Piolit, por tani trajneri, i cili tashmë do të duhet të bëjë pa Leaon, nuk do ta ketë suedezin në dispozicion për të paktën dy javë.

Përveç Zlatanit, është ndalur edhe i kudondodhuri Saelemaekers.

Kuqezinjtë tashmë duhet të gjejnë zgjidhje alternative.

Do të jetë një mundësi e shkëlqyer për Hauge (shënoi në Napoli), Castillejo dhe Diaz.

Siguria taktike e Milanit është rreshtimi 4-2-3-1. Edhe pa Ibrahimovicin, “Djalli” ka ruajtur identitetin, gjithmonë duke shmangur humbjen, në nëntë raste në vitin 2020, me gjashtë fitore dhe tri barazime.

Sigurisht që mungesa në të njëjtën kohë edhe e Leaos është dhimbje koke për Piolin si për ndeshjen e Europa Leagues dhe për sfidën e kampionatit kundër Fiorentinës.

Lëvizja e parë do të jetë kthimi i Ante Rebicit në qendër të sulmit. Sigurisht jo me fizikun e Ibrahimovicit, por kroati ka treguar se mund të interpretojë më së miri lëvizjen drejt thellësisë që suedezi tenton ta kufizojë.

Nëse Kessie dhe Bennacer janë siguria e mbrojtjes, në treshën prapa sulmuesit do t’u jepet mundësia atyre që po gjejnë më pak hapësirë: Brahim Diazit, Castillejos dhe Hauge.

Ata janë lojtarët e thirrur që të mos qahet mungesa e Ibras, por as e Saelemaekers dhe Leaos.

commentFirst article
Sot mund të lexoni Shfletoni kopertinat