Trajneri tetovar i grupmoshave të reja te KF Shkëndija dhe ish futbollisti i njohur, Bashkim Arifi i është gëzuar debutimit me gol të lojtarit të tij Dashmir Elezi.
Ylli i ri i Shkëndijës një ditë para derbit me Shkupin festonte ditëlindjen, duke mbushur 16 vite, ndërsa në ditën e Alfabetit shënoi gol.
E pas përfundimit të ndeshjes në fjalë, trajneri Bashkim Arifi në llogarinë e tij në facebook kishte publikuar një foto domethënëse, ku kishte ngushëlluar Dashmirin deri sa ai po qante.
Arifi për News-TV ka rrëfyer historinë e fotografisë.
“Kjo fotografi është para disa vitesh, më duket e vitit 2017 dhe ne luanim finalen kundër Vardarit. Ndeshja përfundoi 4:4 dhe me penallti e humbëm ndeshjen.
Dashmiri luante për gjeneratën 2004. Unë isha trajneri i tij. Dhe, paramendo pse ka qarë. I ka ardhur keq për trajnerin pse nuk e fitoi finalen. Kështu i kishte thënë babait të vet”, tregon Arifi historinë e asaj fotografie tejet interesante.