Prishtina, Feronikeli dhe Llapi janë tre skuadrat e Superligës të cilat po përcillen nga Komisioni Disiplinor për shkak të mos kryerjes së obligimeve ndaj ish-futbollistëve.
Në raportin e publikuar sot nga FFK ku janë treguar vendimet e marra nga Komisioni Disiplinor, gjithashtu tregohet se ky komision do të merret edhe me rastet e mos kryerjes së obligimeve ndaj disa futbollistëve të ankuar.
Ahmed Haliti, Arbër Prekazi, Mevlan Zeka dhe Albutrint Morina janë futbollistët të cilët nuk janë paguar me rregull nga skuadrat dhe tashmë me rastin e tyre dhe kontratave që kanë do të merret Komisioni Disiplinor.
Shkrimi në njoftimin e FFK-së:
Komisioni Disiplinor i shkallës së parë për mos respektim të kontratave nga ana e klubeve të futbollit në përmbushje të detyrimeve (obligimeve ndaj lojtarëve) hap procedurat disiplinore ndaj;
KF FERONIKELI për lojtarin Arbër Prekazi, kërkesa numër 711/1 e datës 20.11.2020 ; kontrata me numër të protokollit 135 e datës 16.07.2019. (e nënshkruar nga Naser Rama dhe Arbër Prekazi )
KF FERONIKELI për lojtarin Mevlan Zeka ; kërkesa numër 710/1 e datës 11.2020 (kontrata me numër të protokollit 148 e datës 16.07.2020 ; (e nënshkruar nga Naser Rama dhe Mevlan Zeka)
KF LLAPI 1932; për lojtarin Albutrint Morina, kërkesa numër 709/1 e datës 11.2020; Akt – marrëveshja e datës 28.07.2020 dhe regjistruar në FFK me numër të protokollit 783 e datës 29.01.2020 (e nënshkruar me datë 28.07.2020 nga të dy palët; Tahir Batatina dhe Albutrint Morina)
FC PRISHTINA për lojtarin Ahmet Haliti, kërkesa numër 714/1 e datës 24.11.2020; kontrata me numër të protokollit 518/19 e datës 13.06.2019 (protokolli i klubit; numër 75 datë 07.06.2019 e nënshkruar nga Sokol Krasniqi dhe Ahmet Haliti).