Jack Wilshere ka deklaruar se ai është ende shumë i lidhur me Arsenali dhe se një rikthim në “Emirates Stadium” në të ardhmen do të ishte një ëndërr e realizuar.
Wilshere i kaloi dhjetë vite me skuadrën e Arsenalit që kur nënshkroi kontratën e parë profesionale në vitin 2008 duke i bërë 198 paraqitje për klubin në të gjitha garat.
Gjatë kësaj periudhe, Wilshere kontribuoi me 14 gola dhe 30 asiste, por ishin lëndimet e shpeshta ato të cilat nuk e lejuan që ta mbante formën optimale.
“Dëgjoni, kurrë nuk i dihet. Unë jam një njeri i lidhur me Arsenalin. Për momentin nuk ka asgjë. Nuk kam folur me askënd në lidhje me këtë, por kjo do të ishte një ëndërr e realizuar.”
“Kjo edhe mund të mos ndodh fare, por, siç e thash, unë jam shumë i lidhur me Arsenali dhe dua që ta shoh klubin në më të mirën e mundshme.”, deklaroi ish-reprezentuesi i Anglisë.
