Gati për transfertën ndaj Sassuolos

Futboll

Gati për transfertën ndaj Sassuolos

Më: 26 nëntor 2020 Në ora: 17:45
Gati për transfertën ndaj Sassuolos

Vetëm disa orë pas humbjes në shtëpi ndaj Realit të Madridit, Antonio Conte ka marrë një lajm të mirë, pasi mesfushori kroat Marcelo Brozovic ka rezultuar negative ndaj koronavirusit dhe mund t’i bashkohet menjëherë skuadrës.

Zikaltrit kanë kompromentuar totalisht rrugëtimin e tyre në Champions dhe tani vetëm një mrekulli mund t’i kualifikojë për në fazën e 1/8-ave, ndërsa të shtunën në orën 15:00 i pret një transfertë shumë e rëndësishme në kampionat.

Bëhet fjalë për ndeshjen në “Mapei Stadium” ndaj Sassuolos, skuadrës së vendit të dytë të kampionatit dhe Conte mund të llogarisë edhe mesfushorin kroat për këtë ndeshje, pasi freskia fizike e tij mund të jetë një armë më shumë.

Brozovic rezultoi pozitiv gjatë grumbullimit me kombëtaren kroate dhe u rikthye menjëherë në Milano, ku kaloi periudhën e izolimit në shtëpinë e tij, ndërsa sot ka kryer seancën e parë stërvitore në fushën e lojës.

commentFirst article
Sot mund të lexoni Shfletoni kopertinat