Aston Villa ende është e interesuar për sulmuesin e Werder Bremenit dhe të Kosovës, Milot Rashica, bën të ditur “DeichStube”.
Villa e kërkoi me ngulm sulmuesin e talentuar 24-vjeçar në afatin kalimtar veror, ndërsa e ka kthyer vëmendjen tek ai sërish.
Anglezët synojnë që të bëjnë tjetër ofertë në muajin janar për ish-sulmuesin e Vushtrrisë.
Werderi sipas raportimeve të muajve më parë ka qenë i interesuar që ta shesë futbollistin kosovar, por vetëm me një çmim të arsyeshëm.
Në këtë fillim sezoni, Rashica i ka luajtur vetëm katër ndeshje, me totalin e 207 minutave.
