Kampioni i Anglisë, Liverpooli, kthehet me një pikë nga Brighton. “Reds-at” ishin afër fitores por e cila iu mohua në çastet e fundit duke barazuar me rezultat 1:1 me Brighton-in, në ndeshjen që u zhvillua në stadiumin “Amex”.
Vendasit patën rast ideal për të kaluar në epërsi në minutën e 20-të, por futbollisti Neal Maupay, nga penalltia gjuan jashtë portës së majtë të portierit të Liverpoolit, Alisson.
Në minutën e 60-të, futbollisti Diogo Jota, me depërtim individual nga rreth 12-13 metra shënon në këndin e djathtë të poshtëm, 0:1.
Në minutën e 84-të, Robertson harkon për mrekulli, Sadio Mane nga afërsia me kokë shënon por anulohet për pozitë të pa rregullt.
Në minutën e 90+3, Pascal Gross, ishte i saktë nga penalltia dhe barazon rezultatin 1:1.
Pas javës së 10-të, Liverpooli kryeson me 21 pikë, ndërsa Brighton renditet në të 16-ën me 10 sosh. Pikë e madhe për vendasit, ndërsa dëshpërim pr trajnerin Klopp dhe Liverpoolin.
