Jurgen Klopp ka dhënë mendimet e tij rreth legjendës së futbollit, Diego Maradona që ndërroi jetë në këtë javë.
Argjentinasi u nda nga jeta këtë të mërkurën në moshën 60-vjepare, pas një sulmi në zemër, derisa e gjithë bota e futbollit dhe jo vetëm u përlotën.
Klopp ka zbuluar mendimet e tij rreth Maradonës, duke treguar nëse Lionel Messi dhe Cristiano Ronaldo kanë arritur të jenë në nivel me Ikonën e futbollit.
“Më i miri i kohës time. Ndoshta jo tani, tani kam parë Cristianon dhe Messin”, ka thënë trajneri i Liverpoolit.
“Në karrierën time, ai ishte lojtari i spikatur. Jeta e tij tregon se sa bukur mund të jetë kur je i klasit botëror dhe sa e vështirë mund të jetë gjithashtu”.
“Një figurë mbresëlënëse. E takova një herë, gjë që për një lojtar të nivelit tim ishte si të takoja Papën. ”
Trajneri gjithashtu zbuloi zhgënjimin e tij që më shumë ndihmë nuk iu ofrua legjendës së futbollit, i cili vuante nga telashe jashtë fushe gjatë gjithë jetës së tij: “Ju mund të shihni reagime në të gjithë botën. Nëse ne i tregonim atij respektin që meriton ndërsa ishte gjallë në vend të selfieve, ne mund ta kishim ndihmuar atë “, ka shtuar më tej gjermani.
