Gjatë verës thuhej se transferimi i Luis Suarez tek Juventus ishte punë e kryer, kjo pasi që gruaja e futbollistit mbante shtetësi italiane.
Suarez nuk mund të shkonte në Itali pa lejeqëndrim, dhe sipas rregullave të Qeverisë Italiane, që dikush të marrë lejeqëndrimin në këtë vend, duhet të kalojë testin e nivelit B1.
Gjithçka dukej se do të shkonte mirë pasi që gruaja e Suarez fliste italishten, por më pas plasi skandali.
Universiteti i cili mbante testin, kishte njoftuar uruguajanin për përgjigjet dhe u implikuan zyrtarët e tij.
Suarez kishte bërë një gabim gramatikor shumë të thjeshtë, dhe menjëherë u bë e ditur se ai është larg nivelit B1.
Që disa muaj spekulohej për zyrtarët e Juventusit, ndër ta edhe Fabio Paratici, i cili është Drejtor Sportiv i Juventusit, por që autoritet thonin se nuk është implikuar askush në këtë rast.
Sot, klubi i Juventusit konfirmoi se zyrtarët ‘Bianconerë’ janë nën hetime.
“Klubi i Juventusit konfirmon që, sot Fabio Paratici është njoftuar për informacion në lidhje me garancinë dhe të drejtën e mbrojtjes,” u tha në deklaratën e klubit.
“Krimi i pretenduar nga Zyra e Prokurorit Publik në Gjykatën e Perugia është ekskluzivisht neni 371 i Kodit Penal”, u tha në komunikatë.
“Klubi përsërit fuqimisht korrektësinë e punës së Paratici dhe është i bindur se hetimet në vazhdim do të ndihmojnë në sqarimin e pozicionit të tij brenda një kohe të arsyeshme”, shkruhej në deklaratë.
Sipas ‘La Stampa’ dhe ‘La Repubblica’ thuhet se avokatët e Juventus, Maria Turco dhe Luigi Chiappero janë gjithashtu nën hetim.
